瀧宴日本料理
營業時間
| 星期二 | 12:00–15:30 |
| 星期三 | 12:00–15:30 |
| 星期四 | 12:00–15:30 |
| 星期五 | 12:00–15:30 |
| 星期六 | 12:00–15:30 |
| 星期日 | 12:00–15:30 |
| 星期一 | 12:00–15:30 |
服務選項
店外取貨
外帶
內用
產品/服務
小菜
酒精飲料
啤酒
用餐選擇
早午餐
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
新鮮美味的食物，美景！另外，這裡的服務很棒！好細心❤️
肯定會再次訪問！
前排同姨姨去瀧宴食lunch～店嘅裝修都十分唔錯，有一個大大嘅落地玻璃可以望到出邊嘅景色～💖 …
午市席前鐵板燒套餐，好味性價比高，食物質素高
很久沒吃鐵板燒，今次來到銅鑼灣sugar+開業不久的瀧宴日本料理吃九道菜午餐，有齊刺身、壽司、鐵板燒，一次品嘗多款日本料理。用餐環境非常舒適，落地玻璃窗陽光帶來充足光線，明亮又美觀，可以一邊用餐一邊飽覽室外景觀。餐桌和椅子面積夠大，很乾淨整潔，坐得十分舒適。店員十分有禮貌，會介紹每道菜和吃的先後次序。
Lunch Special Menu 推廣價$398 (原價$428)
季節前菜
豆腐很嫩滑，昆布很入味，很清甜
刺身
賣相很好，用上小花瓣作裝飾，3款刺身都非常新鮮，魚味濃郁，肉質嫩滑，開胃美味
精選壽司
鮫鰈魚，豐潤嫩滑，充滿魚油香氣，肉質細嫩柔軟
赤身壽司，魚味香濃，肉質緊緻，很鮮味
香煎鵝肝伴自家製醬汁
法國鵝肝外層煎得金黃焦脆，油脂豐膄，甘香細膩，配上黑醋汁中和了油膩感，配以香脆的麵包吃，每口都充滿油香，令人無法抗拒。吃完鵝肝多士再吃幾粒黑豆，份外清甜
野生大虎蝦
煎得很香口，蝦味濃郁，肉質彈牙，蝦頭還有蝦膏，鮮甜甘香，蝦已經去殻，吃得很方便
香草牛油帆立貝
帆立貝很肥美厚身，煎至表面金黃，內裡軟彈，形成外脆內軟的口感，用上香草牛油去煎，在上面鋪上三文魚籽，增加了口感，咸香三文魚料更能帶出帆立貝鮮甜美味
米國頂級牛肉
厚燒牛肉粒，肉質軟嫩，牛味香濃，充滿牛肉肉香，一口一粒，油脂和肉汁充滿口腔，令人回味
薄燒牛肉片，包著蔥粒和蒜一起燒，非常香口惹味，還有一些很香脆的蒜片，夾著牛肉一起吃更有風味
鐵板炒飯配海帶面豉湯
炒飯炒得粒粒分明，上面鋪滿櫻花蝦，炒飯用上蔥花、雞蛋、甘筍、洋蔥一起炒，很足料，吃得非常飽
炒什菜
有一些什菇和什菜，很不錯
抹茶雪糕
抹茶味清甜，口感幼滑
服務
內用
餐點類型
午餐
平均每人消費金額
HK$400-450
今晚嚟到位於銅鑼灣皇室堡附近的高層樓上舖食鐵板燒，全景落地大玻璃對住無敵香港夜景，真係好靚！人生一大享受😍靚景配美食心情都特別開心。同時每一道菜用上高質食材，廚師精心炮製美食。 …
🎏超高質日式鐵板燒✨師傅功架十足👨🏻🍳
朋友介紹嘅零負評鐵板燒「瀧宴」@takiyanjapanese
餐廳位置十分方便 位於銅鑼灣鬧市一座商廈高層
一進入餐廳 維港夜景盡入眼簾🌃
加上服務員殷勤嘅服務態度
未開始食已經加分✨
\ 🔸Dinner Teppanyaki Set ($1380/set, 原$1680) /
餐廳做緊超級優惠 以消費券惠顧2個套餐
送日本象拔蚌🐚 / 澳洲龍蝦🦞 / 瀧宴大吟釀清酒700mL🍾，超級抵!!!
點餐後 見到師傅即場喺魚缸直接揀選食材
然後遞到我地面前 鮑魚 象拔蚌 龍蝦 全部都超新鮮仲郁緊!!!
但我地見套餐已經有10樣野食相當多 所以就揀左清酒小酎一番🍶
\ 🦀季節前菜 /
一上檯已經非常吸睛!!
玻璃盒子打開 係蟹肉沙律
蟹肉上加左少少自家製嘅柚子啫喱 食落非常清新
左邊係醃製咗嘅日本蕃茄 食落好fresh醒胃 作為前菜非常合適
\ 🐟季節刺身 /
薄切深海池魚 師傅建議唔需要點醬油
直接配柚子啫喱食 果然令刺身嘅鮮味更突出!!
厚切油甘魚腩 油花散佈均勻非常肥美
食落有淡淡嘅甘甜味 食完口腔會充斥住魚油香氣
\ ♨️季節吸物 /
准山豆腐魚湯 用上日本鮮准山熬製
魚湯呈奶白色 非常鮮甜 配上海帶令味道更加豐富
\ 🦐野生大虎蝦 /
不得不驚歎師傅功架十足!!!
師傅除左將虎蝦去殼 仲將蝦爪拆出 然後壓扁再用鐵板煎炸
炸完之後仲清楚見到個鉗 食落卜卜脆
而蝦肉超爽口彈牙 非常香口
\ 🐠香煎銀鱈魚 /
師傅將魚皮拆開煎 再用鐵鏟造型
等食嘅時候睇住師傅表演 非常賞心悅目
銀鱈魚外面煎至香脆 內裡滑溜 鮮嫩多汁
加上擺盤超用心 讚!
\ 🐚南非鮑魚 /
超新鮮超大隻南非鮑魚
師傳先去殼及內臟 再將鮑魚切片 加上牛油醬油煎炒
鮑魚口感嫩滑彈牙 配上新鮮魚籽 味道超鮮甜
\ 🥩US Prime牛肉兩食 /
美國頂級牛肉絕對不比日本牛肉遜色
厚切牛肉切粒煎香 保留到牛肉嘅肉汁
而薄切牛肉 煎香後裡面包住香蒜同香蔥再捲起
本身唔太好蔥嘅我 覺得呢個配搭超好食 味道層次好豐富
食完會想再encore!!!
\ 🍚鹿兒島櫻花蝦炒飯配什菜 /
炒飯炒至粒粒分明 再且有濃濃嘅蛋香 加上脆口嘅櫻花蝦 非常香口
\ 🍨日式雪糕 /
揀左日本柚子Sorbet
入面有少少嘅柚子皮 食落味道超fresh
好適合作為ending解膩
✨✨今餐每一道菜都非常滿足
除左食材新鮮 味道一流 而且擺盤精美
再加上一邊食一邊欣賞師傅嘅功架
係味覺加視覺嘅享受🤩
再再加上維港靚景 超友善嘅服務
超值得二訪 + 推薦朋友黎!!!❤️
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：5
餐廳環境優美，食材精緻，位於銅鑼灣新地標Sugar +高層，飽覽維港醉人景色，更可以欣賞廚師即席烹調美食。
꧁Lunch Special Menu꧂($448/一位)
🥢季節前菜
前菜冷盤有吞拿魚肉配橙黃色的魚籽和雜菜，清爽又開胃。
🐟季節刺身 (2款)
刺身分別是油甘魚和拖羅，油甘魚肉質較為爽實、味道甘甜，拖羅口感嫩滑，不用任何調味鮮味已十分突出。
🍣本日精選壽司 (2款)
壽司上碟時飯團仍是微暖，兩款白身魚壽司均幼嫩鮮甜、肉質清爽。師傅建議由左至右、淡至濃的吃，更能吃出鮮味的層次。
🦪香草牛油帆立貝
日本帆立貝肥大肉厚、清甜彈牙，用香草牛油煎香後切開一半再放在扇貝殼上，再倒入紫菜湯，賣相精美。
🦆香煎鵝肝伴自家制醬汁
鵝肝十分肥美，表面煎至焦香，入口即化，配上脆脆多士、微酸的特製醬汁和黑豆漬，整個配搭令口感更豐富。
🦐野生大虎蝦
海蝦一向是鐵板燒的經典菜式，師傅純熟的鑊鏟功夫瞬間便把海蝦起肉拆件。蝦殼煎得卜卜脆，蝦肉結實彈牙，簡單的加入檸檬汁已經吃得出海蝦的鮮味。
🐂米國頂級牛肉
米國牛肉分厚切和薄切，厚切牛肉熟度煎得剛好，肉質鮮嫩，薄切牛肉則放上蔥花金蒜卷起，十分惹味。
🍚鐵板炒飯配海帶麵豉湯
炒飯雖然簡單，但要炒得好絕對考師傅的手藝。日本珍珠米飯用大量櫻花蝦和蛋黃漿炒香，粒粒分明呈金黃色。
🥬炒什菜
什菜主要有蘿蔔絲和椰菜，用蒜蓉炒香後令看似普通的野菜味道提升。
餐點：5
服務：5
氣氛：5
呢間位於銅鑼灣糖街Sugar+26樓嘅瀧宴日本料理，👱🏼♀️非常推介，全景落地大玻璃對住維港、銅鑼灣嘅開揚景色，引進大量自然光，分開左右兩邊兩張鐵板桌，十分寬敞，每個吧枱座位都可以清楚欣賞到大廚的功架👀望住廚司精心烹製嘅鐵板燒，嘆咁個好正嘅Lunch，真係一件賞心樂事！
午市鐵板套餐有幾個價位，我地就選擇左$448嘅套餐，已包含刺身 、壽司、虎蝦、牛肉、鵝肝等，非常豐富！
Lunch Special Menu
🔸 季節前菜🥗
前菜係一個沙律，吞拿魚肉再配上黃色嘅魚子，凍食開胃易入口，拌勻享用層次更為豐富。
🔸 季節刺身
刺身有兩款，都非常新鮮，分別係油甘魚和中拖羅，油甘魚肉質彈滑清爽，中拖羅魚脂分佈恰到好處，入口即溶😋
🔸 本日精選壽司🍣
都係有兩款，深海池魚壽司伴以柚子胡椒，富有柚子清香，解油增鮮，另外有鰈魚壽司，上面放了火炙過的魚邊，肉質爽脆嫩滑。
🔸 野生大虎蝦
虎蝦好大隻，睇住大廚好細心將佢剝殼，放喺鐵板上煎香，虎蝦🦐肉質非常爽口彈牙，建議先試原味，比較食到蝦嘅鮮甜，之後再加少少檸檬汁，就可以更加提鮮，最後記得食埋個蝦頭，蝦膏十分甘香濃郁。
🔸 香草牛油帆立貝
大廚係呢到菜上可以做到「一式兩味」，帆立貝拌以用香草海帶煮成嘅湯又食得又飲得，賣相好靚😍大大粒嘅帆立貝煎到表面焦香，仲有香草牛油味，彈牙又好食。
🔸 香煎鵝肝伴自家制醬汁
睇住大廚將鵝肝經過鐵板香煎，啲油脂逼哂出黎，再將鵝肝燒至微焦，外面焦香内在軟滑，口感甘香綿密🤤配以小多士🥖、黑豆漬同黑醋汁平衡油膩感，口感濃郁。
🔸 米國頂級牛肉
餐廳好細心咁將牛肉🥩以兩種方法呈現，薄燒同厚燒，薄身係將牛肉包住蔥蒜，口感豐富又惹味，厚燒就食得出肉感同牛香，燒得剛剛好，可以保持到肉汁，配埋蒜片一齊食，就更加濃郁。
🔸 鐵板炒飯配海帶麵豉湯
雖然配料只有蛋、蒽花同櫻花蝦，但係都已經好香好好味，炒飯🍚粒粒分明，炒到金黃色又夠乾身，配埋個海帶麵豉湯就啱啱好。
🔸 炒什菜
食左咁多肉，當然要有個菜平衡返，炒什菜有好香嘅蒜蓉牛油味，炒得爽脆清甜，不知不覺又食哂。
總的來說，鐵板燒非常出色，大廚喺烹調時間上和火候都拿捏得剛剛好，而且會一直觀察住進食速度，食物係一款一款咁上，另外服務員都好快手，不時會主動添茶，服務周到，加上環境開陽舒適，可以望到銅鑼灣一帶，非常推介俾各位👍🏻👍🏻
服務
內用
餐點類型
午餐
平均每人消費金額
HK$450-500
餐點：5
服務：5
氣氛：4
如果您想盡情享受美食和美景，那麼這裡就是您的最佳選擇。壽司omakase菜單很好，壽司廚師會告訴你壽司的組合。還可以看到廚師製作鐵板燒。
餐點：5
服務：5
氣氛：5