上戶酒場(UEDO Sakaba)

原條金目鯛刺身印象最深刻，刺身鮮甜之餘
魚骨魚頭攞去炸😯，脆卜卜好香口👻
調味好少食到原汁原味😬

🌸煙燻系列必點，採用櫻花木燒完，再煲仔上
最好食豚肉 ，其次係鴨胸，最後係pizza

⎊ 前菜 吞拿魚沙律
⎊ 金目刺身（原條）🎖️
⎊ 火炙三文魚牛油果沙律🎖️
⎊ 煙燻日本豚腩肉🎖️
⎊ 煙鵝胸🎖️
⎊ 鐵板豆腐🎖️
⎊ 芝士松葉蟹甲羅燒
⎊ 煙燻五重芝士Pizza
⎊ 燒手握飯團三文魚&明太子🤢
⎊ Suntory生啤&柚子燒酎
餐點：5
服務：5
氣氛：5

落單之後，好快就黎左杯可樂。鬼死咁渴，一野就隊哂。
麵豉湯：多數d送既麵豉湯，都無乜期望架啦。多數都係咸到死勁重味咁。呢次無呢個問題，又有湯料食下，竟然有兩隻細細地剝左殼既蝦，有兩個蜆，仲有豆腐粒同海帶。味道就個人喜好啦，一定唔係出面死咸咁，對我黎講啱啱好。
沙律：沙律菜，栗米粒，蕃茄仔，加上胡麻醬，只要d料係新鮮唔會差得去邊。
小食：今次係章魚丸，新鮮整起，夠熱，唔會食粉咁，或食落一pat野食漿咁，好正常。最緊要有沙律醬，個醬另上可能會好d，有d人未必鍾意。
伊比利亞豬：我就食唔出係豬邊一個部份。但食落去有部份肥肉，又部份係係瘦肉，有小小肥肉先會香口，所以一上台就聞到香味。
牛舌薄燒：牛舌，最愛食物之一。見到緊係要試啦。碟牛舌用鐵板上，每塊牛舌上面都鋪滿蒜粒，蔥花。侍應溫馨提示如果想熟d要反一反煎多野，我就無啦，好小心咁連埋d蒜粒同蔥花放入口，濃郁既牛味加埋蒜蔥，無得輸。
三文魚炒飯：炒飯真心最緊要較乾身，粒粒分明，d碗炒飯一定做到。
另外再叫左
秋刀魚刺身：秋刀魚呢個時間食就啱啦，魚香，肉質靚仔，都幾新鮮下，d人成日話秋刀好腥我又唔覺，老婆都怕腥都話接受到。
日本象拔蚌膽炒蘆筍：洋蔥去炒象拔蚌，食落似炒蟶子咁，不過個膽又幾得意個口感，食落似食雞肝咁又夠香口。
服務
內用
餐點類型
午餐
平均每人消費金額
超過 HK$500
餐點：5
服務：5
氣氛：5

又出發去九龍城搵食😝今次食日本野，居酒屋好好feel ☺️同朋友食飯飲嘢氣氛好好🥰

先黎兩杯🍻勁正，有個4串串燒加啤酒套餐，只需$98，抵到爆🤩我哋一共叫咗兩個！紫蘇沙錐魚超特別，魚肉又滑又香！仲有鰻魚乾同黑豚肉腸都好吸引🫡

食完已經決定下次再黎❤️
餐點：5
服務：5
氣氛：5

朋友話好想飲啤酒，就去咗呢一間上戶酒場，因為朋友話有個好抵嘅套餐🍺🍺🍺

等陣8:30呢個時間，同班朋友嚟到，就揀咗呢個$98嘅串燒餐有四串串燒同一杯嘢飲可以揀酒精或者唔酒精都得，串燒嘅選擇都有十幾款，但係就唔可以重複其中我最鍾意佢個鰻魚乾，出面好少食到😝
餐點：5
服務：5
氣氛：5

嚟九龍城唔一定要食泰國嘢嘅

餐廳裡裡外外都以木系為主，令你置身於傳統日式居酒屋嘅感覺，氛圍感即時拉滿🎎座位寬闊，除左卡位，仲有bar枱，食客可以近距離咁欣賞師傅製作料理🍣

店員溫馨提示Asahi啤酒($48/枝)做緊買一送一優惠, 雖然係lunch hour, 但難得放半日假, lunch hour都即時變happy hour啦🍻🍻 飲得啤酒, 就當然唔少得串燒了。十幾款串燒自選4款都只係$98 仲跟飲品或啤酒，今次就試左紫蘇沙錐魚、魷魚、燒茄子田樂、黑豚肉腸、明太子蓮藕、雞頸肉、雞翼，全部即叫即燒，燒得岩岩好，再呷一啖啤酒，爽呀！

嚟到主菜 午市定食，每個Set都附送海鮮味噌湯、前菜

▫️前菜&海鮮味噌湯
沙律菜非常爽脆，配埋胡麻醬好夾。味噌湯好足料，除咗常見嘅豆腐同海帶之外，仲有蝦同蜆，令味噌湯鮮味再度提昇🔝

▫️上戶刺身盛配迷你烏冬 $208

刺身有帶子、三文魚、油甘魚同赤蝦，每款都好鮮甜，而且兩款刺身魚都係厚切，特別滿足！

▫️牛舌薄燒配三文魚炒飯 $98

牛舌同串燒一樣都係燒得剛剛好，肉嫩多汁，而炒飯粒粒甘香分明，帶有獨特燒香味和三文魚嘅鮮味

餐廳環境舒適，服務態度友善，下次再嚟想試埋佢哋嘅日本象拔蚌刺身同生蠔😋
服務
內用
餐點類型
午餐
餐點：5
服務：5
氣氛：5
建議的餐點
魚生盆, 煙燻串燒

約左朋友今日黎到九龍城食野，朋友話泰國野辣食唔到，行過見到呢間日式野好似吾錯咁，午市又有優惠就入去試下呢間啦！

食得日本野緊係唔少得食壽司啦，一睇到個menu就已經唔洗唸啦！直接嗌左個壽司盛，跟餐重有埋沙律，湯同飲品，成個套餐都幾豐富！

店員上左沙律同個湯後，重送左碟餃子黎，好欣賞而嫁重咁有人情味既鋪頭，即時係我心入面加曬分

餃子
重要係即炸既，熱辣辣又脆口，好夠味，唔洗點醬都好好食

沙律菜
夠清新開胃

海鮮味噌湯
唔會好咸，味道岩岩好，有蝦有蜆，味道無咁單一，好飲！

主菜-壽司盛
擺盤好靚，打卡一流，有8件不同款式既壽司，魚肉刺身件件厚切，份量十足，而且夠曬新鮮，最欣賞係燒左口魚，炙燒好香，入口半溶，好食

呢間食物質素都幾高，食完都係唔夠喉，再嗌左d串燒同朋友傾下計慢慢食

串燒拼盤
同朋友咩都嗌串黎試下，嗌左大概十幾款，好多款都質素好高，串串都係即燒，上枱重係熱辣辣既，長芋口感幾特別，食落粉粉地但同時又爽口既，洋蔥牛小排，肉香而且有口感！

質素幾高，下次同朋友再黎傾耐d可以嗌其他試下！
服務
內用
餐點類型
午餐
平均每人消費金額
HK$200-250
餐點：5
服務：5
氣氛：5
建議的餐點
鳗魚 燒, 煙燻串燒

在九龍城這區應該無人不知道這所極盡人氣的日式居酒屋,門面不太吸睛但又有其獨特氣質。這晚的食物也是愛人發辦的,首先的前菜有鯷魚醬沙律和小龍蝦蟹籽沙律,清爽醒胃,接住的主菜是活龍蝦刺身及龍蝦頭甲羅燒兩食,超滿意,想盡試厨師烤功,一於order黑豚肉、牛肉、三文魚、廣島蠔等串燒,另外的羊架、貴妃蚌和秋刀魚全都很惹味,要配啤酒和乳酸及巨峰梳打才能平衡吓,再來兩客三文魚和明太子燒手握飯團,香脆又彈牙,整體食物和招呼都極極滿意。
餐點：5
服務：5
氣氛：5

今晚收工同閨密去九龍城覓食，預祝佢生日，唔想又食泰國嘢，經過呢間日本嘢，見到有個二人套餐大家都覺得幾啱食，於是試吓。
前菜— 野菜條伴鯷魚醬
侍應介紹鯷魚醬係由多春魚同沙甸魚製成，野菜有爽脆青瓜、甘筍及白蘿白，沾醬後味道即時提升了。
松葉蟹肉青蘋果蟹籽沙律
松葉蟹肉鮮甜，青蘋果絲清爽，蟹籽份量很足，醒神開胃。
原隻活龍蝦（刺身+甲羅燒）
冰鎮擺盤很有心思，龍蝦一半開邊作刺身，蝦肉晶瑩剔透，肉質爽口彈牙，味道鮮甜，加上海量級的蟹籽，沾上山葵及醬油後令人大快朵頤。
龍蝦頭甲羅燒
龍蝦另一半作甲羅燒，將龍蝦肉、蟹膏伴以醬料在龍蝦頭上燒來吃，配以梳打餅吃，鹹香味更突出。
剌身壽司盛合
磯煮鮑魚（1）～鮑魚肉鮮嫩彈牙，不會炆得過久；
黑松露帶子壽司（2）～黑松露入口超香，帶子厚肉鮮甜；
赤蝦刺身（2）～赤蝦非常大隻、肉質結實彈牙
三文魚刺身（2）～三文魚呈粉紅色，脂肪紋亦分佈均勻；
火炙左口魚刺身（2）～經過火炙後魚油味好出，兼且入口即溶，很滑溜。
油甘魚刺身 （2）～油甘魚肉質爽口，每一口都充斥着魚油氣味，味道甘甜鮮美。
酸汁白子（另點）
正值入秋時分，又是吃白子的季節，日本人視為保身養顏嘅珍品。鱈魚白子其實是精囊，口感綿綿滑滑，沒有半點腥味。
櫻花蝦炸豆腐
沾滿櫻花蝦嘅外表令炸豆腐更酥脆，加上陣陣蝦香味，令本身幼滑嘅豆腐更有鮮味。
煙燻串燒（自選3款）
牛舌心、雞翼、伊比利亞豬肋條
串燒用日式燒肉嘅方法煎到四、五成熟，最後入鍋放在鐵網上，鍋底放滿櫻花木碎，等煙燻將啲肉燻熟，逼出油香。上枱嗰刻，鍋蓋一開始，聞到陣陣嘅煙燻香，好有風味。
蜆湯野菜湯配稻庭烏冬
新鮮蜆配滑嫩豆腐、春菜和雜菌，蜆湯不用加鹽已十分鮮甜，加上稻庭烏冬麵條薄而幼身，兩者很匹配。
日本卷蛋2件
甜品有巨峰提子味及香蕉朱古力,又靚又好味。
完美的一餐😍
服務
內用
餐點：5
服務：5
氣氛：5

今日同朋友去咗九龍城搵食😋呢間日本居酒屋絕對值得推荐～

餐廳清優雅潔，座位寬敞

我地先係叫咗兩個午市定食～而每個Set都會跟餐附送海鮮味噌湯 & 沙律 & 飲品，海鮮味噌湯超足料👍🏻除咗平時嘅豆腐同海帶之外，仲有蜆有蝦🦐～估唔到套餐附送嘅味噌湯都有如此質素～

C餐 上戶刺身盛配迷你烏冬 $208每款刺身都十分新鮮👍🏻有油甘魚、三文魚、帶子同赤蝦～我覺得高質係赤蝦刺身，赤蝦刺身好大隻，而且夠哂鮮甜彈牙～

至於唐揚炸雞拉麵，拉麵豬骨湯底濃郁，麵質彈牙。唐揚炸雞肉質鮮嫩，咬落去有肉汁流出。

H餐 牛舌薄燒配三文魚炒飯 $98
估唔到一樣咁高質，以往食牛舌都愛吃厚切，因為驚牛舌薄燒會太乾太老，但呢度完全冇呢個問題，牛舌薄燒燒得剛剛好，少許焦香。三文魚炒飯亦粒粒分明，絕對是高質之作。

而鐵板串燒套餐都幾抵食～$98自選4款串燒+啤酒/飲品，因為我和朋友都唔飲啤酒，所以叫咗soft drink就算～

我地仲加錢叫咗兩款小食，分别係櫻花蝦炸豆腐&吉列炸蠔～大大隻生蠔夠新鮮肥美，嫩滑夠Creamy～而櫻花蝦炸豆腐表面沾滿櫻花蝦，豆腐外脆內軟，滑嘟嘟的豆腐十分嫩滑。
服務
內用
餐點類型
午餐
平均每人消費金額
HK$150-200
餐點：5
服務：5
氣氛：5
建議的餐點
味噌湯, 魚生盆, 櫻花蝦炸豆腐

平時去九龍城就食泰國菜多，喺九龍城食日式居酒屋都係第一次😝
今次朋友提議試呢間＜上戶酒場＞，真的很不錯！食物高質，新鮮又好味😋九龍城真係臥虎藏龍呀！🥰＜上戶酒場＞鄰近港鐵宋皇臺站B3出口，再步行2分鐘就到，好易搵又方便👍
店內環境酷似傳統日式居酒屋，好有親切感🥰店內坐位又有空間感，不會焗促濟逼，可以同朋暢所欲言！店員服務態度親切友禮，還會為我同朋友不定時添加茶水，很貼心👍整個用餐過程都很愉快！店內還會不定期更換menu,下次再嚟食先😋😋😋

今次同朋友點咗：
野菜條伴鯷魚醬（前菜）🥢
這道前菜很不錯，配上青瓜條、蘿蔔條沾上用燈芯座熱的鯷魚醬，溫度剛好暖暖的，很開胃！為之後的主菜打開完美的序幕👍

刺身盛合五款🍣
第一眼看到這個刺身盛色彩繽紛很開心，充滿細節位很適合打咭，滿滿的儀式感🥰刺身亦很新鮮、乾淨，質感厚厚的刺身，咬落很有幸福感🥰

蟹肉蟹膏豆腐🦀
這道🦀膏豆腐雖然小小的，但咬落很足料，一口放入口中很滋味，讚👍

泡菜炒牛舌尖🐮
泡菜炒牛肉食得多，泡菜炒牛舌尖真係第一次食，原來呢個配搭都唔錯，幾惹味架！😝

鐵板原隻龍蝦🦞
呢隻鐵板燒原隻🦞好好味呀！🦞好新鮮，肉質in in un un口感好好食😋配上蟹籽🦞又多膏，好足料好正👍

日式叉燒拉麵：豬骨湯🐖
呢碗拉麵雖然細細碗，但很足料！叉燒肥廋適中，同朋友開心share啱啱好👍

黑糖紅豆蘋果（串）、蘋果豚肉卷（串）、洋蔥牛小排（串）、廣島蠔（串）、三文魚籽帆立貝（串）🥢
🍎豚肉卷呢個配搭好清新好好味😋，洋蔥好清香牛肉有口感好味，燒廣島蠔新鮮美味，三文魚籽帆立貝質感夠厚實好味👍
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：5
建議的餐點
魚生盆, 煙燻串燒

周日遊閑午聚
@九龍城上戶酒場

與朋友相聚上戶酒場，位於九龍城，泰國菜聚集地，但一點也不輸蝕。是間無論午餐晚聚之選，特別是同朋友模下杯底，相聚一刻，最合適不過。

上戶酒場中午時分，不算多人，店內裝修以日式居酒屋為主調，中間有篇大窗特別別致，可以同朋友飲下酒食下美食。

與朋友兩人，點左兩個午市套餐，串燒，及是日極鮮刺身。
食材相當新鮮，菜式有創意，與一般居酒屋不同，有不少創新串燒。

午市套餐都是100至200港紙，由刺身壽司或者燒物都有。
我們點了一個壽司盛，九本壽司🍱。
款款刺身出奇地新鮮，鮮甜可口。有帶子，左口魚，大蝦，吞拿魚等等。

另一款是燒物，香蒜牛舌配三文魚炒飯，廚師十分顧及客人要求，可以按需要走蛋，一點都沒有影響味道。牛舌加了少少芝士粉，加上香蒜，真心香濃。

伊佐木白魚刺身
不是一般鮮甜，爽口，甜美，點點酸汁，更加鮮甜。
之後廚師為魚架油炸，可以作送酒。

是日出色嘅是串燒，果然是居酒屋🏮
有不同燒物，令我一試難忘嘅是豚肉蘋果燒。豚肉油香加蘋果燒烤後嘅香甜，另外還有香蔥牛肉串燒，意外地出色。

下次可以試吓晚飯，可以飲下酒，食下特色串燒。
餐點：5
服務：5
氣氛：5